Чогаалчы С.А.Сарыг-оолдуң "Саны-Мөге" деп шүлүглели 80 чыл бурунгаар аңгы ном кылдыр үнген.
Бөгүн, март 22-де Ак-Дуругнуң М.К.Өлчей-оол аттыг модельдиг ном саңынга чогаалчы, шүлүкчү С.А.Сарыг-оолдуң "Саны-Мөге" деп шүлүглелиниң номунуң чырыкче үнгенинден бээр 80 чыл болган оюнга тураскааткан номнуң бенефизи болуп эрткен. Ном саңының эргелекчизи Анай-оол Ч.С. ук шүлүглелдиң дугайында кыска илеткелди кылып, чогаалды ыыткыр номчуп берген. Номчукчулар чогаалдың сайгарылгазын кылып, боттарының чогаалга хамаарышкан бодалдарын илередип турганнар.
Чогаалчы, шүлүкчү Степан Агбаанович Сарыг-оолдуң чогаадыкчы амыдыралында көскү черни "Саны-Мөге" деп шүлүглел ээлеп турар. Ол чогаалдың үндезини кылдыр республиканың сураглыг малчыны турган Саны-Шириниң намдарын алган. Назыдап улгады берген тыва кижиниң кандыг амыдыралды чурттап эрткенин бөдүүн, ынчалза-даа уран чечен арга-биле төөгүп база чуруп бижээн. Саны-Мөге бичии оол тургаш-ла каржы кожайның аалынга кадарчылап, хөлечиктээр ужурга таваржып, амыдыралдың кадыг-бергелерин көрүп, аалдар кезип, ол-бо кижилерге хөлечиктеп чорза-чорза, сөөлүнде каш малдыг албаты бооп чурттай бээр. Саны-Мөгениң салым-чолун таварыштыр чогаалчы С.Сарыг-оол эрги болгаш чаа Тываның амыдыралын чуруп көргүскен.
Ук хемчег кончуг солун болуп эрткен.
Чогаалчы С.А.Сарыг-оолдуң "Саны-Мөге" деп шүлүглели 80 чыл бурунгаар аңгы ном кылдыр үнген.
22 Мар.
.jpg)
